ਨਵੀਂ ਤਕਨੀਕ ਦਾ ਅਸਰ \ ਇੰਦਰਜੀਤ ਕਮਲ

ਕੱਲ੍ਹ ਦੋਸਤਾਂ ਨੂੰ ਕਰਵਾ ਚੌਥ ਬਾਰੇ ਸਵਾਲ ਕੀਤਾ ਸੀ ਕਿ ਕੁਝ ਬਦਲਿਆ ? ਪਰ ਸਾਰੇ ਹੀ ਉੱਤਰ ਸਨ ਕਿ ਕੁਝ ਨਹੀਂ ਬਦਲਿਆ | ਕੱਲ੍ਹ ਰਾਤ ਤੱਕ ਦੀ ਜਾਂਚ ਪੜਤਾਲ ਤੋਂ ਪਤਾ ਲੱਗਾ ਕਿ ਬਦਲੇ ਤਕਨੀਕੀ ਯੁਗ ਨੇ ਪੁਰਾਣੇ ਰਿਵਾਜਾਂ ਨੂੰ ਤਕਨੀਕ ਦਾ ਨਵਾਂ ਲਬਾਦਾ ਜ਼ਰੂਰ ਪਾਇਆ ਹੈ | ਬਹੁਤ ਥਾਵਾਂ ਤੇ ਹੁਣ ਕਰਵਾ ਚੌਥ ਦੀ ਕਥਾ ਸੁਣਾਉਣ ਵਾਲੀ ਖਾਸ ਕਿਸਮ ਦੀ ਔਰਤ ਦੀ ਲੋੜ ਨਹੀਂ ਪਈ | ਉਸ ਔਰਤ ਦੀ ਥਾਂ ਲਈ , ਮੋਬਾਇਲ ਵਿੱਚ ਆਈ whatsapp ਤੇ ਉਸ ਕਥਾ ਦੀ ਰਿਕਾਰਡਿੰਗ ਨੇ | ਚੱਕਰ ਬਣਾਕੇ ਆਪੋ ਆਪਣੀਆਂ ਕਰਵੇ ਦੀਆਂ ਥਾਲੀਆਂ ਲੈਕੇ ਬੈਠੀਆਂ ਔਰਤਾਂ ਦੇ ਵਿਚਕਾਰ ਮੋਬਾਇਲ ਨੂੰ ਰੱਖ ਕੇ ਚਲਾਇਆ ਗਿਆ ਤੇ ਪੂਜਾ ਸ਼ੁਰੂ | ਉਸ ਤੋਂ ਬਾਦ ਇੰਤਜ਼ਾਰ ਹੋਈ ਚੰਨ ਦੇ ਨਿਕਲਣ ਦੀ | ਜਿਹਨਾਂ ਦੇ ਪਤੀ ਕਿਤੇ ਦੂਰ ਬੈਠੇ ਸਨ ਉਹਨਾਂ ਵਿੱਚੋ ਸਹੂਲਤ ਪ੍ਰਾਪਤ ਔਰਤਾਂ ਨੇ ਪੂਰੀ ਤਿਆਰੀ ਮੁਤਾਬਕ video chat ਰਾਹੀਂ ਉਹਨਾਂ ਦੇ ਦਰਸ਼ਨ ਕੀਤੇ , ਗੱਲਬਾਤ ਕੀਤੀ ਤੇ ਵਰਤ ਖੋਲ੍ਹਿਆ |