ਮਿੱਟੀ \ ਇੰਦਰਜੀਤ ਕਮਲ

ਥੋੜੇ ਦਿਨ ਪਹਿਲਾਂ ਹੀ ਇੱਕ ਘਰ ਵਿੱਚੋਂ ਭੂਤ ਦਾ ਵਹਿਮ ਦੂਰ ਕਰਕੇ ਉਹਨਾ ਨੂੰ ਸਮਝਾਇਆ ਕਿ ਇਹੋ ਜਿਹੀ ਕੋਈ ਗੱਲ ਨਹੀਂ ਹੁੰਦੀ , ਬੱਸ ਇੱਕ ਵਹਿਮ ਸੀ

ਉਸੇ ਘਰ ਦੀ ਇੱਕ ਜਨਾਨੀ ਅੱਜ ਆਈ ਤੇ ਆਉਂਦਿਆਂ ਹੀ ਇੱਕ ਪੁੜੀ ਮੇਰੇ ਹੱਥ ਚ ਫੜਾ ਦਿੱਤੀ

ਮੈਂ ਖੋਲ੍ਹਕੇ ਵੇਖੀ ਉਹਦੇ ਵਿੱਚ ਥੋੜੀ ਜਿਹੀ ਮਿੱਟੀ ਸੀ

ਮੈਂ ਪੁੱਛਿਆ ,

" ਇਹ ਕੀ ਹੈ ?"

ਕਹਿੰਦੀ ,

" ਮੇਰੇ ਮੁੰਡੇ ਕੋਲ ਗੱਡੀ ਹੈ , ਉਹਦਾ ਕਾਰੋਬਾਰ ਮੰਦਾ ਏ "

ਮੈਂ ਕਿਹਾ

" ਫਿਰ ਇਹ ਮਿੱਟੀ ਨੂੰ ਕੀ ਕਰਨਾ ਏ ?"

ਕਹਿੰਦੀ ,

"ਉਸ ਗੱਡੀ ਦੇ ਪਹੀਏ ਹੇਠੋਂ ਮਿੱਟੀ ਲੈਕੇ ਆਈ ਹਾਂ , ਸੋਚਿਆ ਦਿਵਾਲੀ ਵਾਲੇ ਦਿਨ ਤੁਸੀਂ ਪੂਜਾ ਕਰੋਗੇ ਤੇ ਕੰਮ ਵਧੀਆ ਚੱਲ ਜਾਵੇਗਾ "

ਮੈਂ ਕਿਹਾ ,

"ਮੁੰਡੇ ਨੂੰ ਭੇਜਿਓ ਮੇਰੇ ਕੋਲ "

ਕਹਿੰਦੀ ,

" ਉਹ ਬੜਾ ਸ਼ਰਮਾਕਲ ਹੈ "

ਮੈਂ ਸੋਚ ਰਿਹਾ ਸੀ , ਜਿਹੜਾ ਬੰਦਾ ਇੰਨਾ ਸ਼ਰਮਾਕਲ ਹੈ, ਉਹ ਉਹ ਡਰਾਇਵਰੀ ਵਿੱਚ ਕਾਮਜਾਬ ਹੋ ਹੀ ਨਹੀਂ ਸਕਦਾ ,ਮਿੱਟੀ ਜਾਂ ਗੱਡੀ ਕੀ ਕਰੂ ? 03 -11-13