ਇਹਨਾਂ ਲੋਕਾਂ ਦਾ ਕੀ ਕਰੀਏ ? ਇੰਦਰਜੀਤ ਕਮਲ \ क्या करें इन लोगों का ? \ इन्द्रजीत कमल

ਅਸੀਂ ਗਾਜਰ, ਗੋਭੀ, ਸ਼ਲਗਮ, ਮੂਲੀ ਤੇ ਔਲਿਆਂ ਦਾ ਆਚਾਰ ਪਾਇਆ |ਮੇਰੀ ਘਰਵਾਲੀ ਨੇ ਇੱਕ ਪਲਾਸਟਿਕ ਦਾ ਡੱਬਾ ਭਰਕੇ ਕਿਸੇ ਜਾਣਕਾਰ  ਨੂੰ ਦੇਣ ਵਾਸਤੇ ਮੈਨੂੰ ਫੜਾ ਦਿੱਤਾ ਮੈਂ ਉਸ ਜਾਣਕਾਰ ਔਰਤ ਨੂੰ ਆਚਾਰ ਵਾਲਾ ਡੱਬਾ ਫੜਾਇਆ ਤਾਂ ਕਹਿੰਦੀ ,

" ਇਹ ਕੀ ਹੈ ?"

ਮੈਂ ਕਿਹਾ ,"ਅਸੀਂ ਆਚਾਰ ਪਾਇਆ ਸੀ , ਮੇਰੀ ਘਰਵਾਲੀ ਨੇ ਤੁਹਾਡੇ ਵਾਸਤੇ ਭੇਜਿਆ ਹੈ |"ਉਹਨੇ ਝੱਟ ਆਪਣਾ ਪਰਸ ਖੋਲ੍ਹਿਆ ਤੇ ਸੌ ਦਾ ਨੋਟ ਮੇਰੇ ਵੱਲ ਕਰ ਦਿੱਤਾ |

ਮੈਂ ਕਿਹਾ ,

" ਇਹ ਪੈਸੇ ਕਿਸ ਵਾਸਤੇ ?"

ਕਹਿੰਦੀ ,

"ਆਚਾਰ ਦੇ ਪੈਸੇ ਲਓ |"

ਮੈਂ ਹੈਰਾਨ ਤੇ ਸ਼ਰਮਿੰਦਾ ਜਿਹਾ ਹੋਕੇ ਕਿਹਾ ,

" ਮੈਂ ਆਚਾਰ ਵੇਚਣ ਨਹੀਂ ਆਇਆ !"

ਕਹਿੰਦੀ ,

" ਉਹ ਤਾਂ ਮੈਨੂੰ ਵੀ ਪਤਾ ਏ , ਪਰ ਆਚਾਰ ਮੁਫਤ ਨਹੀਂ ਲਈਦਾ , ਰਿਸ਼ਤਿਆਂ ਚ ਖਟਾਸ ਆਉਂਦੀ ਏ |"

ਮੈਂ ਸੋਚਾਂ ਵਿੱਚ ਪੈ ਗਿਆ ਕਿ ਇਹ ਲੋਕ ਕਿਹੜੀ ਦੁਨੀਆਂ ਵਿੱਚ ਵਸਦੇ ਹਨ ! ਉਹਨੇ  ਮੇਰੀ ਸੋਚਾਂ ਦੀ ਲੜੀ ਨੂੰ ਤੋੜਦੇ ਹੋਏ ਕਿਹਾ ,

" ਪਰਸੋੰ ਮੇਰੀ ਮੇਰਠ ਵਾਲੀ ਕੁੜਮਣੀ  ਆਈ ਸੀ ,ਮੈਂ ਉਹਨੂੰ ਆਚਾਰ ਦਿੱਤਾ ਸੀ , ਮੈਂ ਤਾਂ ਉਹਦੇ ਕੋਲੋਂ ਮੰਗ ਕੇ ਆਚਾਰ ਦੇ ਪੈਸੇ ਲੈ  ਲਏ ਸਨ 

ਮੈਂ ਕਿਹਾ ਸੀ , ਭੈਣਜੀ ਤੁਸੀਂ ਆਚਾਰ ਦੇ ਪੈਸੇ ਜ਼ਰੁਰ ਦੇਕੇ ਜਾਓ , ਇੰਝ ਰਿਸ਼ਤੇ ਖੱਟੇ ਨਹੀਂ ਹੁੰਦੇ , ਭਾਵੇਂ ਦੋ ਰੂਪਏ ਹੀ ਦੇ ਕੇ ਜਾਓਤੇ ਮੈਂ ਆਪਣੀ ਕੁੜਮਣੀ ਤੋਂ ਆਚਾਰ ਦੇ ਦੋ ਰੂਪਏ ਲੈ ਲਏ "

ਮੈਨੂੰ ਲੱਗਾ ਉਹਨੇ ਮੈਨੂੰ ਰਸਤਾ ਦੱਸ ਦਿੱਤਾ ਹੈ | ਮੈਂ ਕਿਹਾ ,

" ਚੱਲੋ ਤੁਸੀਂ ਵੀ ਮੈਨੂੰ ਦੋ ਰੂਪਏ ਦੇ ਦਿਓ |"

ਤੇ ਮੈਂ ਦੋ ਰੂਪਏ ਦਾ ਆਚਾਰ ਵੇਚ  ਕੇ ਮੁੜ ਆਇਆ 2-1-14