ਗੱਲ ਇਹ ਵੀ ਪੁਰਾਣੀ ਹੈ | ਮੇਰੇ ਇੱਕ ਜਾਣਕਾਰ ਦੇ ਘਰ ਨਵਾਂ-ਨਵਾਂ ਟੇਲੀਫ਼ੋਨ ਲੱਗਾ ਉਹਨੇ ਮੈਨੂੰ ਫੋਨ ਕਰਕੇ ਖੁਸ਼ੀ ਸਾਂਝੀ ਕੀਤੀ ਤੇ ਨੰਬਰ ਦੱਸਿਆ , " ਲਿਖ ਲਓ , ਟੂ , ਥ੍ਰੀ ਸੇਵਨ , ਫਾਈਵ |"
- ਮੈਂ ਕਿਹਾ ," ਅੱਗੇ ?"
- ਕਹਿੰਦਾ , " ਭਾਜੀ ਹੋਰ ਅੱਗੇ ਕੀ ਭਾਲਦੇ ਓ ?"
- ਮੈਂ ਕਿਹਾ ," ਪੂਰਾ ਨੰਬਰ ਦੱਸ |" #KamalDiKalam
- ਕਹਿੰਦਾ ," ਦੱਸ ਤਾਂ ਦਿੱਤਾ , ਹੋਰ ਕਿਵੇਂ ਦੱਸਾਂ ?"
- ਮੈਂ ਕਿਹਾ ," ਨੰਬਰ ਪੰਜ ਅੰਕਾਂ ਦਾ ਹੋਣਾ ਚਾਹੀਦਾ ਏ , ਇਹ ਤਾਂ ਚਾਰ ਨੇ !"
- ਕਹਿੰਦਾ ," ਭਾਜੀ , ਤੁਹਾਡਾ ਵੀ ਸਰਿਆ ਪਿਆ ਏ ! ਅੰਕ ਪੰਜ ਹੀ ਨੇ |"
- ਮੈਂ ਕਿਹਾ ," ਨਹੀਂ ਚਾਰ ਨੇ !"
- ਕਹਿੰਦਾ ," ਹੱਦ ਹੋ ਗਈ ਤੁਹਾਡੇ ਵਾਲੀ , ਪੰਜ ਪੂਰੇ ਤਾਂ ਨੇ |"
- ਮੈਂ ਕਿਹਾ , " ਚੱਲ ,ਪੰਜਾਬੀ ਚ ਦੱਸ |" ਕਹਿੰਦਾ ," ਕੀ ਗੱਲ ਅੰਗੇਰਜ਼ੀ ਨਹੀਂ ਆਉਂਦੀ ?"
- ਮੈਂ ਕਿਹਾ ," ਦੱਸ ਤਾਂ ਸਹੀ |"
- ਕਹਿੰਦਾ ," ਜੋ ਅੰਗ੍ਰੇਜ਼ੀ ਚ ਏ ਉਹੋ ਪੰਜਾਬੀ ਚ ਏ | ਲਿਖੋ , ਦੋ , ਤਿੰਨ ਸਾਤੇ ਤੇ ਪੰਜ |"
- ਕਿਹਾ , " ਹੁਣ ਠੀਕ ਏ , ਵਾਕਿਆ ਹੀ ਮੇਰਾ ਅੰਗ੍ਰੇਜ਼ੀ ਚ ਹੱਥ ਤੰਗ ਏ !"
No comments:
Post a Comment