ਪੰਜਾਬ 'ਚ ਵੋਟਾਂ ਨੇ ...ਹੋ !
ਬੜੀਆਂ ਤੋਟਾਂ ਨੇ ...ਹੋ !
ਗੁੜ ਮਿੱਠਾ ਏ ...ਹੋ !
ਵਿਕਦਾ ਚਿੱਟਾ ਏ ...ਹੋ !
ਲੰਗਰ ਲੱਗਣਗੇ ...ਹੋ !
ਦਾਰੂ ਵੰਡਣਗੇ ...ਹੋ !
ਲਾਰੇ ਲਾਉਣਗੇ ...ਹੋ !
ਤਾੜੀਆਂ ਮਾਰਾਂਗੇ ...ਹੋ !
ਨਾਅਰੇ ਲਾਵਾਂਗੇ ...ਹੋ !
ਵੋਟਾਂ ਪਾਵਾਂਗੇ ...ਹੋ !
ਵਜੀਰ ਬਣਾਵਾਂਗੇ ...ਹੋ !
ਪੰਜਾਂ ਸਾਲਾਂ ਤੱਕ ...ਹੋ !
ਤੱਕੀ ਜਾਵਾਂਗੇ ...ਹੋ !
ਗੁੜ ਦੀਆਂ ਰਿਓੜੀਆਂ ...ਹੋ !
ਮੱਥੇ ਤਿਓੜੀਆਂ ...ਹੋ !
ਨੇਤਾ ਲੁੱਟਣਗੇ ...ਹੋ !
ਸਾਨੂੰ ਕੁੱਟਣਗੇ ...ਹੋ !
ਫਿਰ ਨਾ ਕੁਸਕਾਂਗੇ ...ਹੋ !
ਅੰਦਰ ਬੁਸਕਾਂਗੇ ...ਹੋ !
ਪੰਜਾਬ ਪੰਜਾਬ ਓਏ ...ਹੋ !
ਦਈੰ ਜਵਾਬ ਓਏ ...ਹੋ !
ਤੇਰਾ ਕੌਣ ਵਿਚਾਰਾ ...ਹੋ !
No comments:
Post a Comment